पिंपळगाव हरेश्वर येथे भटके-विमुक्तांसाठी विशेष शिबिर उत्साहात संपन्न

पिंपळगाव हरेश्वर : ‘राष्ट्रनेता ते राष्ट्रपिता अभियाना अंतर्गत भटके विमुक्त व भटक्या जमातीच्या नागरिकांना शासनाच्या विविध योजना व आवश्यक प्रमाणपत्रांचा लाभ मिळवून देण्यासाठी पिंपळगाव हरेश्वर येथील माळी समाज मंगल कार्यालय, येथे विशेष शिबिराचे आयोजन करण्यात आले होते.

तहसीलदार विजय बनसोडे यांच्या मार्गदर्शनाखाली शिबिराचे आयोजन करण्यात आले.

या शिबिराचा पिंपळगाव हरेश्वरसह पंचक्रोशीतील वरसाडे प्र पा, तांडा , भोजे, शिंदाड, डांभुर्णी पिंप्री येथीलं नागरिकांनी मोठ्या प्रमाणात लाभ घेतला. विविध शासकीय योजना, प्रमाणपत्रे व शासनाच्या सुविधांबाबत नागरिकांना मार्गदर्शन करण्यात आले. त्यामुळे अनेक नागरिकांना प्रत्यक्ष फायदा झाला.

शिबिराच्या आयोजनामुळे नागरिकांना शासकीय कार्यालयात वारंवार फेऱ्या मारण्याची गरज कमी झाली असून, अशा प्रकारची शिबिरे अधूनमधून आयोजित करण्यात यावीत, अशी मागणी नागरिकांकडून करण्यात आली.

या कार्यक्रमाला तहसिल कार्यालयातील अनेक विभागाचे संबंधित अधिकारी व कर्मचारी उपस्थित होते. गावातीलं जेष्ठ नागरीक गिते सर, श्री रवि गिते, डाॅ. नितीन चव्हाण, श्री. विकास लोहार, श्री शिवदास चव्हाण, श्री. आनंदा राठोड व इतर पदाधिकाऱ्यांच्या सहकार्यामुळे शिबिराचे नियोजन यशस्वी झाले.

पंचक्रोशीतील नागरिकांसाठी उपयुक्त ठरलेले हे शिबिर भविष्यातही अशाच प्रकारे आयोजित करण्यात यावे, अशी अपेक्षा नागरिकांनी व्यक्त केली.